गोदावरीको जंगलमा भीषण आगलागी, उपत्यकाका सबै वारूण यन्त्र परिचालित
Thankot Times
२०८० वैशाख ७ गते २०:०४
थानकोट ।
ललितपुरस्थित गोदावरीको जंगलमा भीषण आगलागी भएको छ ।
बिहीबार गोदावरी नगरपालिका ६ जुरेडाँडामा आगलागी भएको हो ।
जिल्ला प्रहरी परिसर ललितपुरका एसपी प्रवीण पोखरेलका अनुसार आगलागी नियन्त्रण गर्न उपत्यकाका सबै दमकल परिचालन गरिएको छ ।
आगलागी नियन्त्रणका लागि उपत्यकाका सबैजसो एम्बुलेन्स र दमकलहरु पठाइए पनि भीषण आगलागी भएकाले नियन्त्रणमा लिन नसकिएको उनले बताए ।
आगलागी नियन्त्रण गर्न दमकल र सुरक्षाकर्मीको टोलीले प्रयास जारी राखेको उनले बताए । उनले बस्ती नजिकै भएपनि जोखिम भने तत्काल नरहेको बताए ।
ट्रेन्डिङ
