थानकोट । 

नेपाली स्थानीय बजारमा सुनचाँदीको मूल्यले नयाँ बिन्दु छोएको छ ।

आज बिहीबार छापावाल सुन प्रतितोला एक लाख ४० हजार रुपैयाँमा कारोबार भएको छ ।

यसअघि वैशाख ७ गते छापावाल सुन एक लाख ३९ हजार ३ सय रुपैयाँमा कारोबार भएर नयाँ रेकर्ड बनाएको थियो ।

बिहीबार भने हालसम्मकै उच्च मूल्यमा छापावाल सुन कारोबार भएको हो ।

 नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला १ हजार ६ सय रुपैयाँ बढेको हो ।

बिहीबार तेजाबी सुन प्रतितोला एक लाख ३९ हजार ३ सय रुपैयाँमा कारोबार भइरहेको छ ।

नेपाली बजारमा बिहीबार चाँदीको मूल्यले पनि नयाँ रेकर्ड बनाएको छ ।

महासंघका अनुसार चाँदी प्रतितोला एक हजार ८ सय ५ रुपैयाँमा कारोबार भएको छ ।

बुधबार चाँदी प्रतितोला एक हजार ७ सय ४५ रुपैयाँमा कारोबार भएको थियो ।