थानकोट ।

आईसीसी टी-२० विश्वकप एशिया र पूर्वी एशिया-प्यासिफिक क्षेत्रको संयुक्त छनोटमा नेपाल समूह ‘२’ मा परेको छ ।

अन्तर्राष्ट्रिय क्रिकेट काउन्सिल (आईसीसी) ले बिहीबार प्रतियोगितामा सहभागी रहने ९ टोलीलाई ३ समूहमा विभाजन गरेको हो ।

समूह ‘२’ मा नेपालसहित, कुवेत र जापान छन् । समूह ‘१’ मा संयुक्त अरब इमिरेट्स (यूएई), मलेशिया र कतार रहेका छन् । समूह ‘३’ आयोजक ओमान, पपुवा न्यु गिनी (पीएनजी) र सामोआ रहेका छन् ।

हरेक समूहका शीर्ष २ टोली ‘सुपर सिक्स’ मा पुग्नेछन् ।

‘सुपर–सिक्स’ का शीर्ष ३ टोलीले आउँदो वर्ष भारत र श्रीलङ्कामा हुने टी–२० विश्वकपमा स्थान बनाउनेछन् ।

ओमानमा हुने  एशिया र पूर्वी एशिया–प्यासिफिक छनोट आउँदो अक्टोबर ८ देखि १७ सम्म सञ्चालन हुनेछ ।

नेपालसहित ओमान, पीएनजी र यूएईले यसअघि टी–२० विश्वकप खेलिसकेका छन् ।