टी-२०आई सिरिजः नेपाल र यूएईबीच आज पहिलो खेल हुँदै
Thankot Times
२०८३ वैशाख ७ गते ८:१३
थानकोट ।
नेपाल र यूएईबीच टी-२०आई सिरिज अन्तर्गत आज सोमबार पहिलो खेल हुँदैछ ।
त्रिवि क्रिकेट मैदानमा हुने खेल साँझ ५ बजेदेखि सुरु हुनेछ ।
नेपालमा पहिलोपटक रातको समयमा अन्तर्राष्ट्रिय खेल हुन लागेको हो ।
यस शृंखलाअघि नेपाली टोलीमा उल्लेख्य परिवर्तन भएको छ ।
कप्तानसहित केही अनुभवी र नियमित खेलाडी पनि टी-२०आई टोलीबाट हटाइएका छन् ।
नयाँ कप्तान दीपेन्द्रसिंह ऐरी रहेका छन् ।
यस्तै यूएईको टोलीमा पनि भारतबाट बसाइ सरेर मापदण्ड पूरा गरेका केही नयाँ खेलाडीहरू समावेश भएको चर्चा छ ।
कप्तान भने मुहम्मद वासीम नै रहेका छन् ।
नेपाल र यूएई हालसम्म टी-२०आईमा ११ पटक भिडेका छन् जहाँ नेपाल ६ अनि यूएई ५ पटक विजयी भएका छन् । कीर्तिपुरमा भने एकमात्र खेल भएको छ जुन् यूएईले जितेको थियो ।
ट्रेन्डिङ
