थानकोट ।

एनपीएलअन्तर्गत पोखरा एभेन्जर्सविरुद्ध सहज जित निकाल्दै लुम्बिनी लायन्स अंकतालिकाको शीर्ष स्थानमा उक्लिएको छ ।

मंगलबार टीयू मैदानमा भएको खेलमा लुम्बिनीले पोखरालाई आठ विकेटले पराजित गरेको हो ।

पोखराले दिएको ९८ रनको लक्ष्य लुम्बिनीले ११.४ ओभरमा मात्र दुई विकेट गुमाएर पूरा गर्‍यो ।

यो जितसँगै लुम्बिनी पाँच अंकसहित शीर्ष स्थानमा उक्लिएको हो । जारी संस्करणमा अहिलेसम्म लुम्बिनी लायन्स अपराजित छ ।

उसले तीन खेलमध्ये दुईमा जित र एउटा खेलमा वर्षाका कारण अंक बाँडेको छ । पोखराले भने लगातार तेस्रो हार व्यहोरेको छ ।

जारी सिजनमा पोखरा अहिलेसम्म जितविहीन बनेको छ ।