गोलभेँडाको मूल्यले आकाश छोयो, काठमाडाैंमा १ किलो गोलभेँडाको मोल १५० रुपैयाँ
Thankot Times
२०८० साउन १७ गते ८:३०
थानकोट ।
बुधबार नेपाली बजारमा गोलभेँडाको मूल्य प्रतिकिलो १५० रुपैयाँसम्म पुगेको छ ।
कालीमाटी फलफूल तथा तरकारी बजार विकास समितिका अनुसार बुधबार गोलभेँडा ठूलो (नेपाली) को अधिकृत मूल्य प्रतिकिलो १५० रुपैयाँ कायम भएको हो ।
यस्तै गोलभेँडा सानो (नेपाली) को ६० तथा सानो (टनेल) को गोलभेँडाको मूल्य पनि प्रतिकिलो १०० रुपैयाँ पुगेको छ ।
भारतीय गोलभेँडा आउन छाडेसँगै नेपाली बजारमा मूल्य आकाशिन पुगेको बताइएको छ ।
करिब एक महिनाअघि गोलभेँडाको मूल्य १० रुपैयाँ प्रतिकिलो भएपछि व्यापारीले भ्याटको बहानामा फालेर विरोध समेत गरेका थिए ।
ट्रेन्डिङ
