लगातार स्थिर रहेको सुनको भाउ मंगलबार तोलामा ६ सय रूपैयाँले बढ्यो
Thankot Times
२०८० भदौ १२ गते ११:०१
थानकोट ।
नेपाली बजारमा लगातार चार दिनसम्म स्थिर रहेको सुनको मूल्य मंगलबार बढेको छ ।
नेपाल सुनचाँदी व्यवसायी महासंघका अनुसार सुनको मूल्य ६०० रुपैयाँले बढेको हो ।
मंगलबार छापावाल सुन तोलामा एक लाख ११ हजार ७०० रुपैयाँमा कारोबार भइरहेको छ । यसअघिका चार दिन सुन तोलामा एक लाख ११ हजार १०० रुपैयाँमा कारोबार भएको थियो ।
तेजाबी सुन तोलामा एक लाख ११ हजार १०० रुपैयाँमा कारोबार भइरहेको छ ।
चाँदीको मूल्य तोलामा पाँच रुपैयाँले बढेको छ । चाँदी तोलामा एक हजार ४६५ रुपैयाँमा कारोबार भइरहेको महासंघले जनाएको छ ।
ट्रेन्डिङ
