कीर्तिपुरसहितका स्थानीय तहमा हुने उपनिर्वाचनका लागि आयोगले सरकारसँग माग्यो १० करोड
Thankot Times
२०८१ असोज ३० गते १४:२३
थानकोट ।
मंसिर १६ गते हुने स्थानीय तहको उप निर्वाचनका लागि निर्वाचन आयोगले सरकारसँग १० करोड रकम माग गरेको छ ।
उपनिर्वाचनका लागि करिब १० करोड माग गरिएको आयोगका सूचना अधिकारी सुमन घिमिरेले जानकारी दिए ।
“१० करोड हाराहारी माग गरिएको छ । अर्थ मन्त्रालयबाट रकम भने प्राप्त भइसकेको छैन,” उनले भने ।
मंसिर १६ गते हुने स्थानीय तहमा रिक्त प्रमुख/उपप्रमुख, अध्यक्ष/उपाध्यक्ष र वडा अध्यक्ष पदमा उपनिर्वाचन हुन लागेको हो ।
उपनिर्वाचनका लागि २५ वटा राजनीतिक दल दर्ता भएका छन् ।
मंसिर २ गते उमेदवारी दर्ता गरिने आयोगले जनाएको छ ।
ट्रेन्डिङ
