आईसीसी टी-२० ब्याटिङ वरियतामा कुशल भुर्तेलको ३१ स्थान सुधार
Thankot Times
२०८१ कार्तिक ७ गते २०:५८
थानकोट ।
नेपाली राष्ट्रिय क्रिकेट टोलीका ब्याटर कुशल भुर्तेलले टी-२० आईको ब्याटिङ वरियतामा ३१ स्थान सुधार गरेका छन् ।
अन्तर्राष्ट्रिय क्रिकेट परिषद (आइसिसी) ले जारी गरेको नयाँ वरियतामा कुशल ३१ स्थान सुधारका साथ ९९औं स्थानमा उक्लिएका छन् ।
गत सोमबार अमेरिकासँगको तीन वटा टी-२० आई सिरिज नेपालले क्लिन स्विप गर्दा कुशलले एक अर्धशतक सहित सर्वाधिक एक सय ४२ रन बनाएका थिए ।
ब्याटिङ वरियतामा कप्तान रोहितकुमार पौडेल चार स्थान सुधार गर्दै ५९ औं र आसिफ शेख दुई स्थान सुधार गर्दै ६९औं स्थानमा छन् ।
टी-२० आईको बलिङ वरियता तर्फ दीपेन्द्रसिंह ऐरी ६२ औं स्थानमा छन् ।
सोमपाल कामी तीन स्थान सुधार गर्दै ९२औं स्थानमा छन् ।
अलराउन्डर तर्फ दीपेन्द्रसिंह दोस्रो स्थानमा कायम छन् ।
ट्रेन्डिङ
