थानकोट ।

साफ महिला च्याम्पियनसिपको दुवै सेमीफाइनल खेल आज हुँदैछ ।

पहिलो सेमीफाइनल खेलमा दिउँसो १ः३० बजे भुटान र बंगलादेशबीच खेल हुनेछ। दोश्रो सेमीफाइनल खेलमा साँझ ६ः३० बजे नेपाल र भारतबीच खेल हुनेछ ।

घरेलु टिम नेपाल र भारत लगातार दोस्रो पटक सेमिफाइनलमा भिड्न लागेका हुन्।

यी दुईबिच भएका कुल १७ भिडन्तमा भारतले ११ र नेपालले दुई खेलमा जित हात पारेका छन् । साफ मै पनि चार पटक फाइनल र एक पटक सेमिफाइनलमा नेपाल भारतसँग पराजित भएको छ।