३१ हजार मतदाता भएको कीर्तिपुर नगरमा दिउँसो १ बजेसम्म १४ हजार ५७६ जनाले दिए भोट
Thankot Times
२०८१ मंसिर १६ गते १४:२९
थानकोट ।
स्थानीय तहको उपनिर्वाचन अन्तर्गत कीर्तिपुर नगरपालिकामा आइतबार दिउँसो १ बजेसम्म १४ हजार ५७६ मत खसेको छ ।
३१ हजार १ सय २२ जना मतदाता रहेको कीर्तिपुरमा उपनिर्वाचनअन्तर्गत नगरप्रमुख र वडा नम्बर–१ र ४ को वडाध्यक्ष पदका निम्ति मतदान भइरहेको छ ।
मतदान बिहान ७ बजेदेखि सुरु भएको हो ।
बेलुका ५ बजेसम्म मतदानको समय तोकिएको छ ।
कीर्तिपुर नगरपालिका वडा नं १ मा २६१५ मतदाता रहेका छन् । कीर्तिपुर नगरपालिका वडा नं ४ मा ४४५२ मतदाता रहेको निर्वाचन आयोगले जनाएको छ ।
ट्रेन्डिङ
