आईसीसी महिला टी-२० च्यालेन्ज ट्रफी क्रिकेट: नेपाल र अमेरिकाबीच खेल हुँदै
Thankot Times 
थानकोट ।
आईसीसी महिला टी–२० च्यालेन्ज ट्रफी क्रिकेट प्रतियोगिता शनिबारदेखि रुवान्डामा शुरू हुँदैछ । प्रतियोगितामा नेपालको पनि सहभागिता रहेको छ ।
नेपाली टोलीले आफ्नो पहिलो खेल शनिबार नै अमेरिकासँग खेल्दैछ । नेपाल र अमेरिकाबीचको खेल नेपाली समय अनुसार दिउँसो ४:४५ बजे शुरू हुनेछ ।
त्यसअघि, शनिबार नै आयोजक रुवान्डा र इटालीबीच उद्घाटन खेल खेलिने छ । प्रतियोगितामा नेपाल, आयोजक रुवान्डा, इटाली, अमेरिका र भानुआतुको सहभागिता रहेको छ ।
प्रतियोगितामा नेपाली टोलीले आफ्नो दोस्रो खेल १९ तारिखमा इटालीसँग र तेस्रो खेल २२ तारिखमा आयोजक रुवान्डासँग खेल्नेछ ।
यसैगरी, नेपाली टोलीले आफ्नो चौथो खेल २४ तारिखमा भानुआतुसँग, पाँचौं खेल २६ तारिखमा अमेरिकासँग खेल्नेछ ।
यसैगरी, नेपालले आफ्नो छैटौं खेल २८ तारिखमा रुवान्डासँग, सातौं खेल ३० तारिखमा भानुआतुसँग र आठौं खेल मे १ तारिखमा इटालीसँग खेल्नेछ ।
ट्रेन्डिङ
