भोलि आइतबार समाजसेवी सूर्यनारायण मानन्धरको पाँचाैं स्मृति दिवस मनाइँदै
Thankot Times
२०८३ जेठ ९ गते १९:५२
थानकोट ।
चन्द्रागिरि नगरका परिचित समाजसेवी सूर्यनारायण मानन्धरकाे पाँचाैं स्मृति दिवस भोलि आइतबार स्मृति सभा आयाेजना गरि मनाइँदैछ ।
महादेवस्थान-मातातिर्थ खानेपानी तथा सरसफाइ उपभोक्ता समितिले सो संस्थाका तत्कालीन अध्यक्ष मानन्धरको स्मृति दिवसका अवसरमा चन्द्रागिरि नगरपालिका-५ महादेवस्थानस्थित कार्यालय हातामा सो कार्यक्रम आयाेजना गर्न लागेको हो ।
मानन्धरको सम्मानमा महादेवस्थान-मातातिर्थ खानेपानी तथा सरसफाइ उपभोक्ता समितिले २०८० सालमा संस्थाको कार्यालय हातामा अर्धकदकाे शालिक समेत स्थापना गरेकाे छ। उनी उक्त संस्थाका संस्थापक अध्यक्ष थिए ।
मानन्धर २०४४ साल ताका तत्कालीन महादेवस्थान गाउँ पञ्चायतका अध्यक्ष निर्वाचित भएका थिए । उनी चन्द्रागिरि बचत तथा ऋण सहकारी संस्थाको संस्थापक मध्येका एक हुन् ।
फाइल फोटो
ट्रेन्डिङ
