ग्वार्कोमा फ्लाइओभरमा आङ नै सिरिङ्ग हुने गरि दुर्घटना, एक जनाको मृत्यु, १० जना घाइते
Thankot Times
२०८३ साउन २१ गते ११:२८
थानकोट ।
ललितपुरको ग्वार्कोमा बस दुर्घटना हुँदा एक जनाको मृत्यु भएको छ ।
कोटेश्वरबाट सातदोबाटोतर्फ जाँदै गरेको बा.२ ख ३५९० नम्बरको बस बिहीबार बिहान ग्वार्कोस्थित फ्लाइओभर पुलको पर्खालमा ठोक्किएको हो ।
दुर्घटनामा परेर एक जनाको मृत्यु भएको उपत्यका ट्राफिक प्रहरी कार्यालयका एसपी नरेश सुवेदीले बताए ।
प्रहरी वृत्त सातदोबाटोका डीएसपी वकिल सिंह नेतृत्वको प्रहरी टोलीले घटनास्थलबाट घाइतेहरूको उद्धार गरेको छ ।
दुर्घटनामा परेर १० जना घाइते भएका छन् ।
उनीहरूलाई बीएण्डबी अस्पतालमा पठाइएको छ ।
दुर्घटनामा ज्यान गुमाएकी अन्दाजी ४० वर्षीया महिलाको सनाखत हुन बाँकी छ ।
तस्बिरः सुदर्शन महर्जन
ट्रेन्डिङ
