थानकोट ।

त्रिभुवन पार्कको जग्गा प्रचलित बजार मूल्य भन्दा निकै तथा अनधिकृत रुपमा निजी कम्पनीलाई भाडामा लगाएको विषय फेरि चर्चामा आएको छ । बागमती प्रदेशका संस्कृति तथा पर्यटन मन्त्री दिपेन्द्र श्रेष्ठले त्रिभुवन पार्कका विषयमा चासो राख्दै स्थलगत निरिक्षण गरेपछि यो विषय फेरि चर्चामा आएको हो । त्रिभुवन पार्क क्षेत्रभित्रको करिब ५० रोपनी जग्गा २० वर्षका लागि भाडामा दिइएको विषय केही वर्षअघि नै विवादमा तानिएको थियो ।

प्रदेश सरकारले पार्कलाई व्यवस्थित र पर्यटकलाई आकर्षित गर्न भौतिक पूर्वाधार निर्माण गर्न पर्याप्त बजेट विनियोजन गर्ने गरी मन्त्री श्रेष्ठ उक्त पार्कको अवलोकन गर्न आएको बताइएको छ । पार्कको आकर्षक र मुख्य आम्दानी हुने क्षेत्र नै निजी कम्पनीलाई भाडामा दिइनु गलत भएको मन्त्री श्रेष्ठले आफ्नो फेसबुकमा लेखेका छन् ।