आज बस्ने संसदीय समितिको बैठकमा नागढुंगा सुरुङमार्ग लगायतका विषयमा छलफल हुने
Thankot Times 
थानकोट ।
आज बुधबार संघीय संसद्अन्तर्गत चारवटा संसदीय समितिको बैठक बस्दै छ ।
उद्योग तथा वाणिज्य र श्रम तथा उपभोक्ता हित समितिको बैठक बिहान साढे ११ बजे बस्नेछ ।
बैठकमा विद्युतीय व्यापार विधेयक, २०८० का सम्बन्धमा संशोधन प्रस्तावकर्तासँग छलफल हुनेछ ।
राज्य व्यवस्था तथा सुशासन समितिको बैठक बिहान ११ बजे बस्नेछ ।
बैठकमा शान्ति सुरक्षा र कारागार व्यवस्थापन सम्बन्धी छलफल हुने कार्यसूची छ ।
पूर्वाधार विकास समितिको बैठक बिहान ११ बजे बस्नेछ ।
बैठकमा नागढुंगा सुरुङ मार्ग र नागढुंगा-मुग्लिङ सडक खण्डका विषयमा छलफल हुने संसद् सचिवालयले जनाएको छ ।
सार्वजनिक नीति तथा प्रत्यायोजित विधायन समितिको बैठकमा समितिको वार्षिक कार्ययोजनामाथि छलफल हुनेछ ।
सिंहदरबार वैद्यखानाको अवलोकन भ्रमणका विषयमा पनि छलफल हुनेछ ।
बैठक बिहान सवा ११ बजे बस्नेछ ।
तस्बिरः सांसद् दीपक बहादुर सिंहको फेसबुकबाट
ट्रेन्डिङ
