स्थानीय तह उप-निर्वाचन: आज उमेदवारलाई निर्वाचन चिह्न प्रदान गरिँदै
Thankot Times 
थानकोट ।
मंसिर १६ मा हुने स्थानीय तहको उप-निर्वाचनअन्तर्गत आज बुधबार उम्मेदवारले नाम फिर्ता लिन सक्ने तालिका छ ।
सम्बन्धित निर्वाचन अधिकृतको कार्यालयमा बिहान ९ देखि दिउँसो १ बजेसम्म उम्मेदवारले नाम फिर्ता लिन सक्नेछन् ।
आज नै दिउँसो १ देखि ३ बजेसम्म उम्मेदवारको अन्तिम नामावली प्रकाशन हुनेछ ।
दिउँसो ३ देखि ५ बजेसम्म उम्मेदवारलाई निर्वाचन चिह्न प्रदान गरिनेछ ।
स्थानीय तह उपनिर्वाचनमा गाउँपालिका अध्यक्ष र उपाध्यक्ष तथा नगरपालिकाका प्रमुख र उपप्रमुखमा रिक्त आठ पदका लागि ८४ जनाको उमेदवारी परेको छ । ३५ महिला, ४८ पुरुष र एक अन्य छन् ।
गाउँपालिका र नगरपालिकाका वडाध्यक्षको रिक्त ३४ पदका लागि २९ महिला, २९३ पुरुष र एक अन्य गरी जम्मा ३२३ जनाको उमेदवारी परेको छ ।
कीर्तिपुर नगरपालिका को रिक्त मेयर तथा वडा नं. १ र ४ मा वडाध्यक्ष पदमा निर्वाचन हुँदैछन् । ती तीन पदमा ४२ जनाले उम्मेदवारी दर्ता गराएको कीर्तिपुर नगरपालिका निर्वाचन अधिकृत इन्दिरा कार्कीले जानकारी दिइन् ।
ट्रेन्डिङ
