स्थानीय तहको उपनिर्वाचनः कीर्तिपुर नगरको मतगणना कहाँ हुनेछ ? यस्तो छ तयारी
Thankot Times 
थानकोट ।
आज भइरहेको स्थानीय तह उपनिर्वाचनको मत परिणाम निर्वाचन आयोगको वेभसाइटमार्फत हेर्न सकिने व्यवस्था मिलाइएको छ ।
मतगणनाको परिणाम समय-समयमा आयोगको वेभसाइट https://result.election.gov.np/ मा नै अद्यावधिक गरिने सहसचिव एवम् प्रवक्ता नीता पोखरेल अर्यालले जानकारी दिएकी हुन् ।
मतगणना परिणाम बारे निर्वाचनका सबै सरोकारवालाहरूको सहज पहुँच तथा जानकारीका लागि आयोगको वेभसाइटबाट हेर्न सकिने गरी व्यवस्था मिलाइएको उनको भनाई छ।
उपनिर्वाचनको मतदान अहिले बिहान ७:०० बजेदेखि बेलुका ५:०० बजेसम्म तोकिएको मतदान केन्द्रमा हुने कार्यक्रम रहेको छ।
उक्त मतदान कार्य सम्पन्न भई सबै मतपेटिका तोकिएको मतगणना स्थलमा सङ्कलन भएपछि मतगणना कार्य प्रारम्भ हुनेछ।
सो दिन नगरपालिका प्रमुख १, उपप्रमुख १, गाउँपालिका अध्यक्ष २, उपाध्यक्ष ४ तथा वडा अध्यक्ष ३३ गरी जम्मा ४१ पदका लागि मतदान हुनेछ ।
कीर्तिपुर नगरपालिकामा मतगणनाको कार्य नगरपालिकाको सभा कक्षमा हुने तयारी छ ।
तस्बिर वीरेन्द्र शाक्य
ट्रेन्डिङ
