रास्वपाले बोलायो सचिवालय बैठक
Thankot Times
२०८३ वैशाख ५ गते १९:३५
थानकोट ।
राष्ट्रिय स्वतन्त्र पार्टी रास्वपाले भोलि आइतबार दिउँसो सचिवालय बैठक बोलाएको छ ।
६ बुँदे विषयमा छलफलका लागि रास्वपाले आइतबार दिउँसो साढे तीन बजे सचिवालय बैठक बोलाएको हो ।
पार्टी केन्द्रीय कार्यालय वनस्थलीमा बस्ने उक्त बैठकमा जिल्ला अधिवेशन कार्यविधि, बैंक खाता सञ्चालन,केन्द्रीय आयोग, सल्लाहकार परिषद् र विभागमा मनोनयन विषयमा छलफल तय भएको छ ।
यस्तै, बैठकले महाधिवेशन कार्यविधि मस्यौदा समिति गठन, विज्ञहरूबाट योजना आव्हान लगायतका विषयमा पनि छलफल गर्ने छ । बैठकले प्रतिनिधिसभा सदस्यको संगठनात्मक जिम्मेवारी पनि तय गर्ने छ ।
यस्तै, संसदीय दलको लाग कार्यविधि र प्राविधिक सहायताको विषयमा पनि बैठकले छलफल गर्ने बताइएको छ ।
ट्रेन्डिङ
