सूचनामार्फत आगन्तुकले हिंसा भएका खण्डमा कहाँ जानकारी प्राप्त गर्ने, कस्ता सेवा उपलब्ध हुन्छन् लगायत हिंसा भोगेका व्यक्तिका अधिकारका बारेमा जानकारी प्राप्त गर्ने छन् भने सबै पहुँचका लागि यस्ता सूचनालाई श्रव्यदृष्य सामग्री मार्फत सम्प्रेषण गरिने छ। 

सचेतना र क्षमता अभिवृद्धिका बाहेक यस साझेदारी मार्फत हिंसा प्रभावितका लागि आयआर्जनको अवसर प्रदान गर्दै जीविकोपार्जनका सहयोग र समाजमा पुनर्स्थापनाका लागि स्थानीय श्रम र अन्य व्यापारिक संस्थासँग जोड्ने उद्देश्य समेत राखिएको छ।

कार्यक्रममा युएनएफपीएकी प्रतिनिधि योङ हौंगले युएनएफपीएले राखेको लक्ष्य प्राप्त गर्न निजी क्षेत्रको भूमिका बारेमा प्रकाश पारिन् । 

निजी क्षेत्र सामाजिक मर्यादा, समानता र सुरक्षाका सवालहरूसँग एकाकार हुने भन्दै उनीहरू परिवर्तनका सशक्त संवाहक बन्ने युएनएफपीएकी प्रतिनिधि हौंगले बताए ।

मनकामना दर्शन प्रा.लि.की यसु श्रेष्ठले लैङ्गिक समानता र सामाजिक उत्तरदायित्वप्रति संस्थागत प्रतिबद्धता व्यक्त गर्दै युएनएफपीएसँगको साझेदारीमा महिला, किशोरीका लागि सुरक्षित वातावरणमा काम गर्नु आफूहरूका लागि गौरवको विषय रहेको धारणा राखिन् ।

संयुक्त राष्ट्रको रुपन्तराणकारी एजेन्डा र लैङ्गिक हिंसा रोकथामका लागि राष्ट्रिय लक्ष्यहरू हासिल गर्न यस सहकार्यले निजी क्षेत्रको सामाजिक उत्तरदायित्वको नवीन ढाँचा दुवै संस्थाको धारणा छ ।