चेकपोष्टस्थित हाइभिजन कोलोनीबाट एकजना पुरुष पक्राउ
Thankot Times
२०८३ साउन २३ गते १६:५६
थानकोट ।
जबरजस्ती करणी मुद्दाका फरार प्रतिवादी पुरुष पक्राउ परेका छन् ।
केन्द्रीय प्रहरी समाचार कक्षका अनुसार चन्द्रागिरि नगरपालिका हाइभिजन कोलोनी बस्दै आएका ४८ वर्षीय पुरुषलाई शुक्रबार प्रहरीले पक्राउ गरेको हो ।
जिल्ला अदालत महोत्तरीबाट २०८३ वैशाख २१ गते उक्त मुद्दामा पक्राउ अनुमति प्राप्त भई फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले पक्राउ गरेको हो ।
उनलाई आवश्यक अनुसन्धान तथा कारबाहीको लागि इलाका प्रहरी कार्यालय बर्दिबास महोत्तरी पठाइएको प्रहरीले जनाएको छ ।
ट्रेन्डिङ
