बागमती प्रदेश सरकारमा हानेपाको इन्ट्री, बज्राचार्य बने संस्कृति पर्यटन तथा सहकारी मन्त्री
Thankot Times
२०८० चैत १५ गते १९:४९
थानकोट ।
बागमती प्रदेश सरकार हाम्रो नेपाली पार्टीको इन्ट्री भएको छ ।
मुख्यमन्त्री शालिकराम जम्मकट्टेलले बिहीबार हाम्रो नेपाली पार्टी (हानेपा) का संसदीय दलका नेता शैलेन्द्रमान बज्राचार्यले संस्कृति पर्यटन तथा सहकारी मन्त्री बनाएर सरकार विस्तार गरेका हुन् ।
बज्राचार्यले आज नै मन्त्री पदको शपथ लिएका छन् ।
अब बागमती प्रदेश सरकारमा माओवादी केन्द्र, एकीकृत समाजवादी र हाम्रो नेपाली पार्टी सामेल भएका छन् ।
नेकपा एमाले केही दिनभित्र सरकारमा सामेल हुने जनाइएको छ ।
११० सदस्यीय बागमती प्रदेशमा हालको नयाँ सत्ता समीकरणसँग ५५ सिट मात्र रहेकाले २ सिट रहेको हाम्रो नेपाली पार्टी निर्णायक रहेको थियो ।
ट्रेन्डिङ
