यू-१९ महिला एसिया कप खेल्न जाने नेपाली टोलीको बिदाइ
Thankot Times
२०८१ मंसिर २८ गते १४:१८
थानकोट ।
एसीसी यू-१९ महिला एसिया कपका लागि मलेसिया जाने नेपाली युवा राष्ट्रिय महिला टिमको बिदाइ गरिएको छ ।
नेपाल क्रिकेट संघ (क्यान)ले बिहीबार कीर्तिपुरस्थित त्रिवि क्रिकेट मैदानमा एक कार्यक्रमको आयोजना गर्दै नेपाली टिमको बिदाइ गरेको हो ।
आईसीसी यू-१९ विश्वकप एसिया छनोट च्याम्पियनका हैसियतमा नेपाल एसिया कप खेल्दै छ ।
नेपाली टिमको नेतृत्व पूजा महतोले गर्नेछिन् ।
प्रतियोगिता डिसेम्बर १५ देखि २२ सम्म मलेसियामा हुँदैछ ।
प्रतियोगितामा नेपाल समूह ‘बी’मा छ । यो समूहमा नेपालसँगै भारत र पाकिस्तान छन् ।
नेपालले डिसेम्बर १६ मा पाकिस्तान र १७ मा भारतको सामना गर्नेछ ।
ट्रेन्डिङ
