थानकोट ।

नेपाल प्रिमियर लिग क्रिकेट अन्तर्गत शुक्रबार सम्पन्न दिनको दोश्रो खेलमा विराटनगर किंग्स विजयी भएको छ।

विराटनगरले चितवन राइनोजलाई ५१ रनले पराजित गरेको हो ।

त्रिवि मैदान कीर्तिपुरमा भएको खेलमा टस जितेर ब्याटिङ गरेको विराटनगरले ५ विकेट गुमाएर १८१ रनको योगफल तयार पारेको थियो।

उक्‍त लक्ष्य पछ्याउने क्रममा चितवनले ६ विकेट गुमाएर १३० रन मात्रै बनाएर पराजित हुन पुग्यो।

प्रतियोगितामा विराटनगरको यो दोस्रो जित हो । चितवनका अमर रौटेलाले सर्वाधिक ४२ रन बनाए ।

विराटनगरका कप्तान सन्दीप लामिछानेले दुई विकेट लिए ।

विराटनगरका बसिर अहमेदले सर्वाधिक ६८ रन बनाएका थिए ।