थानकोट।

जनमत पार्टीका केन्द्रीय सदस्य सतिश सिंह मधेश प्रदेशको मुख्यमन्त्री नियुक्त भएका छन्।

शुक्रबार बिहान एमाले, माओवादी केन्द्र, जनमत, एकीकृत समाजवादी, नागरिक उन्मुक्ति र नेपाल संघीय समाजवादीको समर्थनमा दाबी पेश गरेका सिंह दिउँसो मुख्य मन्त्री नियुक्त भएका हुन् ।

उनलाई प्रदेश प्रमुख सुमित्रा भण्डारीले पद तथा गोपनियताको सपथ गराएकी छन् । प्रदेश प्रमुखको कार्यालयमा मुख्यमन्त्री सिंहले मैथिली भाषामा सपथ लिएका थिए।

१०७ सदस्यीय मधेश प्रदेश सभामा ६ राजनीतिक दलका ५५ जना सासंदले सतिश सिंहलाई मुख्यमन्त्रीमा समर्थन गरेका हुन् ।

प्रदेश प्रमुख सुमित्रा सुवेदी भण्डारीले संविधानको धारा १६८ को उपधारा २ अनुसार मधेश प्रदेशसभामा प्रतिनिधित्व गर्ने बहुमत सदस्यको समर्थन दाबी पेश  गरेपछि सिंहलाई  मुख्यमन्त्रीमा नियुक्त गरेकी हुन् ।

मुख्यमन्त्रीमा नियुक्त सतिश सिंह सप्तरी क्षेत्र नं. २ को १ बाट निर्वाचित प्रदेश सभा सदस्य हुन् ।

उनी २०७९ मा भएको स्थानीय तह निर्वाचनमा पराजित भएपछि सोही वर्षको आम निर्वाचनमा जनमतको उम्मेदवार भई प्रदेशसभा सदस्य निर्वाचित भएका थिए ।